I ftuar në emisionin “Java në RTSH”, ishte Presidenti i Komitetit Olimpik Kombëtar Shqiptar, Fidel Ylli.
Ai u shpreh se të gjithë sportistët do të thyejnë rekorde kombëtare në këto lojëra Olimpike. Sa për vendin tonë, Ylli u shpreh shumë optimist pasi mendon se Shqipëria do të marrë medalje.
Më tej, në panelin me analistët Preç Zogaj dhe Lorenc Vangjeli, u shpreh se sportistët kanë nevojë që i gjithë buxheti të shpenzohet për to pasi ata kanë nevojë të trajtohen mirë në secilën anë, në veshje, ushqime apo stërvitje.
“Unë mendoj se të gjithë sportistët e lojrave olimpike, do të thyejnë rekordet kombëtare. Ky është objektivi. Kam bindjen që Shqipëria do marrë një medalje dhe flamuri shqiptar do valvitet në stadium. Luiza Gega dhe Smajlaj stërviten, por duhet të jenë të ushqyer të trajtuar, me kushte të mira dhe duke marrë mbështetje. Duhet të jemi të vëmendshëm që buxhetet t’ua cojmë atyre. Ka goxha buxhete që janë dhënë nga Bashkia dhe të gjitha këto janë në shërbim të tyre që të jenë të trajtuar mire, të stërvitur mire dhe të ushqyer. Ata do jenë me kostume për Galanë olimpike.”- u shpreh Fidel Ylli.
“Ne kemi imazh. Unë jam I kënaqur deri tani. I kam ndjekur gjërat me detaje vetë. Jam marrë me stilistin për veshjet. Galaja olimpike do jetë live. Atje është një kënaqësi e jashtëzakonshme. Të gjitha shtetet mezi e presin Olimpiadën. Ajo është kulmi I një sporti. Jo vetëm se bëhet 1 herë në 4 vjet, por ideja është të marrësh pjesë. Aty në fshatin olimpik ka shkëmbime kulturash, aty ka bashkëpunim përtej sportit. Aty ka frymë olimpike,”– u shpreh në emisionin “Java në RTSH”.
/b.h
