Një 44-vjeçar shqiptar është vendosur në pranga nga policia italiane pasi akuzohet se ka vjedhur shtëpinë e motrës së tij.
Karabinierët e Firences kanë ekzekutuar urdhrin e arrestit me burg ndaj shqiptarit i cili kishte hyrë natën e vitit të Ri në shtëpinë e motrës së tij, e cila nuk ndodhej në banesë.
Pasi kishte thyer një dritare, 44 vjeçari shqiptar kishte marrë bizhuteritë dhe çelësat e makinës me të cilën tentoi t’ia mbathte për në Veneto, një rajon ku kishte kohë që ishte zhvendosur. Rënia e alarmit të shtëpisë vuri në lëvizje policinë e cila iu ndoqi nga pas 44 vjeçarin shqiptar duke e arrestuar në autostradës nga një patrullë e policisë rrugore, shkruajnë mediat italiane.
Brenda makinës së tij u gjet edhe i gjithë malli i vjedhur ndërsa veprimtaria e mëvonshme e inspektimit, e kryer nga seksioni i hetimeve shkencore të komandës provinciale bëri të mundur rritjen e disa gjurmëve të gjakut në vendin e vjedhjes, nga të cilat më pas u ekstrapolua një profil gjenetik që i përkiste shqiptarit. Gjykata italiane ka dhënë ndaj shqiptarit masën arrest me burg. Panorama
