Ditën e sotme në Organizatën e Kombeve të Bashkuara do të votohet një rezolutë e cila dënon vendimin e Trump për ta shpallur Jeruzalemin kryeqytet të Izraelit.
Një ditë më parë ishte Trump ai i cili paralajmëroi se SHBA do të ndërpresë ndihmat financiare për këdo që voton pro kësaj rezolute.
Ajo që ende nuk dihet dhe është në interes të lartë, është vota e Shqipërisë ditën e sotme në OKB.
Ndërsa Partia Demokratike ka bërë thirrje që të votohet kundër rezolutës, Ministri i Evropës dhe Punët e Jashtme Ditmir Bushati i ftuar të hënën në #DritaremeRudinën ka deklaruar se ambasada e Shqipërisë në Izrael nuk do të lëvizë nga Tel Aviv.
Bushati ka deklaruar gjithashtu se Shqipëria nuk e sheh të arsyeshme ndryshimin e qëndrimit porsa i përket ҫështjes së konfliktit mes Izraelit dhe Palestinës.
“Në politikë të jashtme shtetet linjëzohen me organizatat ku bëjnë pjesë, ka momente që dënojnë ngjarje të caktuara, ka dhe momente ku preferojnë të heshtin për një temë. Pas vitit 1990 Shqipëria ka pasur të njëjtin qëndrim porsa i përket ҫështjes Izrael-Palestinë dhe ne nuk e shohim të udhës të ndryshojmë këtë qëndrim”.-ka deklaruar Bushati.
“Jeruzalemi”, si do votojë Shqipëria në OKB? Bushati: Qëndrimi ynë i pandryshuar…
