Japonia ka protestuar ndaj vizitës së presidentit rus Vladimir Putin në ishullin Etorofu, pjesë e një zinxhiri ishujsh të kontrolluar nga Rusia, por të pretenduar prej Tokios.
Ministri i Jashtëm japonez, Toshimitsu Motegi, deklaroi se ishujt janë “territor i natyrshëm japonez” si historikisht, ashtu edhe sipas ligjit ndërkombëtar.
Putin vizitoi Etorofun të enjten, në vizitën e tij të parë në ishujt e diskutueshëm pranë Hokkaidos. Mosmarrëveshja për këto territore vazhdon prej dekadash dhe ka qenë një nga arsyet kryesore pse Japonia dhe Rusia nuk kanë nënshkruar një traktat paqeje pas Luftës së Dytë Botërore.
Japonia i quan ishujt “Territoret Veriore” dhe pretendon se Etorofu, Kunashiri, Shikotan dhe ishujt Habomai u pushtuan ilegalisht nga Bashkimi Sovjetik pas kapitullimit të Japonisë në vitin 1945.
Rusia, ndërkohë, i quan ato “Kurilet Jugore” dhe e konsideron marrjen nën kontroll të ishujve si të ligjshme.
