Gazeta spanjolle “AS” raporton se Real Madridi ka refuzuar ofertën prej 42 milionë eurosh nga Interi për James Rodriguezin, pasi futbollisti ka shprehur dëshirë për kalim te Manchester Unitedi.
Sipas raportimeve të ditëve të fundit, klubi italian është refuzuar sepse Reali po ashtu mendon se mund të fitojë më shumë nga shërbimet e futbollistit të cilin e transferoi për 75 milionë euro nga Monaco gjatë verës së vitit 2014.
Edhe vet Rodriguez nuk preferon kalimin te Interi pasi pëlqen Manchester Unitedin si dhe dëshiron që të luajë sezonin e ardhshëm në Ligën e Kampionëve.
Interi ka dështuar të kualifikohet për garat evropiane duke përfunduar sezonin në pozitën e shtatë, përgatiti Koha. (b.an)
