Kamerat në trup të Policisë së Shtetit filmojnë gjithçka pa qenë nevoja për dëshmitarë apo filmime amatore nga të tjerë. Këtë herë, policia e Shtetit ka ndaluar një drejtues i cili ishte duke udhëtuar drejt Rinasit.
Shoferi i thotë punonjësit të policisë se do humbasë avionin ndërsa i bën me dije se është”miku Selami Kapedanit”. Polici e injoron komplet këtë fakt dhe sipas rregullores e gjobit duke i kërkuar mos zbresë nga makina.
Polici: Mos zbrit nga mjeti të lutem. Mbylle derën, dokumentat ju lutem.
Shoferi: Jam miku i Selami Kapedanit dhe e kam me nxitim se më ikën avioni për 20 minuta
Polici: Patentë, leje qarkullimi, siguracion koalidim. Shpejt e shpejt të mbarojmë punë sa më shpejt
Shoferi: Të gjitha dokumentat i kam, s’bëhet fjalë. Ta marr Selën në telefon? Kush është eprori juaj
(Polici e gjobit)
Shoferi: Ç’a gjobe është kjo, për komision?
Polici: Po
Shoferi: Hë mo mos ja fut kot (Tenton të dalë nga makina)
Polici: Mirupafshim zotëri, vër rripin dhe mos dil nga mjeti.
(Shoferi insiston të dalë)
Polici: Or ti djalë nuk zbret dot nga mjeti se shkon në vend tjetër pastaj.