Presidentja e vendit, Atifete Jahjaga u ka bërë thirrje subjekteve politike që pa humbur kohë të ulen dhe të arrijnë konsensus bazik për ta konsoliduar Kosovën shtet, pasi është koha e fundit që shteti ynë të bëhet vend i denjët për të jetuar.
Ajo tha se është për keqardhje se diskursi politik në vend që t’i shërbej zgjidhjes së krizës është shndërruar në një garë për të drejtuar gisht dhe patriotizëm.
Jahjaga shtoi se ka dëgjuar të gjitha palët dhe partneret e Kosovës duke vendosur që në Gjykatën Kushtetuese të dërgojë për të vlerësuar përputhshmërinë e Asociacionit me kushtetutën e vendit, pasi ky institucion është i vetmi që duhet të vlerësoj këtë marrëveshje.
Ndërsa, për demarkacionin me Malin e Zi, ajo tha se institucioni që ajo përfaqëson ka propozuar krijimin e një komisoni Ad/hock .
Jahjaga deklaroi se rruga përpara duhet të trasohet me dialog të përbashkët, pasi po humbim shumë kohë për të përmirësuar ekonomin.
Ajo tha se po testojmë rëndë miqësinë dhe besimin e partnerëve dhe qytetarëve tanë.
Jahjaha kujtoi valën fundit të migrimit që u bë në fund të vitit të kaluar.
“U bëj thirrje që pa humbur kohë të ulen subjektet politike të arrihet konsensus bazik për ta konsoliduar Kosovën shtet pasi është koha e fundit që shteti ynë të bëhet vend i denjët për të jetuar”, tha ajo.
Ajo përmendi në fjalimin e saj edhe nënshkrimin e MSA dhe dialogun me Serbinë duke thënë se përmes kësaj rruge dy vendeve iu kushtëzohet rruga për në BE. /KosovaPress/
