Pas 20 vitesh në kërkim policia italiane ka arrestuar bosin e mafias kalabreze Ndrangheta, Ernesto Fazzalari, personi i dytë më i rrezikshëm e i shumëkërkuar në Itali dhe Europë, pas mafiozit Matteo Messina Denaro.
Ernesto Fazzalari 46 vjeç është arrestuar në orët e para të ditës së dielë 26 qershor nga Policia e Rexhio Kalabrias. Ishte i fshehur në një shtëpi të braktisur në rrethinat e Molochio, sull’Aspromonte, territor i konsideruar në pronësi të tij, e shumë pranë vendlindjes Taurinova.
Bosi i mafias u arrestua në gjumë, në shoqërinë e partneres së tij 41 vjeç. Ai u dorëzua pa asnjë rezistencë ndaj forcave të rendit. Ndaj Ernesto Fazzalari rëndon dënimi i përjetshëm më burg për vrasje, krime me pjesëmarrje në aktivitet mafioz, armëmnajtje pa leje etj.
Bosi mafioz i sapoarrestuar Eernsto Fazzalari është një nga autorët e masakrës së vrasjes së 34 personave gjatë viteve ’90 në Taurinova e në rrethinat e Gioia Taura në rajonin e Kalabrisë. Lajmi i arrestimit të personit të dytë më të rrezikshëm e të shumëkërkuar në Itali u bë publik nga vetë kryeministri italian Matteo Renzi i cili ka falenderuar punën e drejtëisë e autoriteteve italiane të rendit. Pas arrestimit të bosit mafioz Ernesto Fazzalari zbret në 6 numri i personave të shumëkërkuar e të rrezikshëm nga policia italiane.
ma.me
