Një aksident i rëndë ka ndodhur mbrëmë në Itali, ku fatkeqësisht ka humbur jetën një shtetas shqiptar.
Aksidenti ndodhi në zonën e Torittos gjatë orëve të vona të natës në autostradën 96. Sipas mediave italiane, në makinë udhëtonin dy persona, kur mjeti me të cilin ata udhëtonin doli nga rruga dhe u përmbys.
Automjeti drejtohej nga shqiptari që humbi jetën, ndërsa nuk dihet ende identiteti i tij.
Sa i përket pasagjerit, ai u nxorr nga forcat zjarrfikëse dhe u dërgua menjëherë në spital, dhe siç raportohet është jashtë rrezikut për jetën. As identiteti i të plagosurit nuk është bërë i ditur.
Policia italiane nisi hetimet për të zbardhur shkaqet e aksidentit fatal që i mori jetën shqiptarit./a.m.
