Ish-basketbollisti i NBA-së, Rasual Butler dhe bashkëshortja e tij, kanë vdekur si pasojë e një aksidenti trafiku në California.
Butler, 38-vjeçar, i cili luajti për 13 sezone në NBA nga vitit 2002 deri më 2016, u aksidentuar me veturën e tij Range Rover, duke u përplasur me një mur shkaku i shpejtësisë së madhe.
Në këtë aksident ka vdekur edhe bashkëshortja e tij, Leah LaBelle, 31-vjeçare. Ajo ishte pjesëmarrëse në sezonin e vitit 2004 të “American Idol”.
Ai luajti për Miami Heat, New Orleans Hornets, Chicago Bulls, Toronto Raptors, Indiana Pacers, Washington Wizards dhe San Antonio Spurs, përgatiti Express. (b.an)
