Ish-prokurorja e EULEX, Maria Bamieh ishte e ftuar në një emision special të Klan Kosovës. Ajo ka treguar për rastet që ka ndjekur ligjërisht sa ka qenë pjesë e këtij misioni ndërsa ajo është shprehur se personat e lartë në EULEX ushtrojnë ndikim politik, njofton Klan Kosova. “
Mund të them se pjesëtarët e lartë të Misionit bisedojnë me kriminele, gjyqtarë, prokurorë e të tjerë”. “Kjo nuk ndodhte vetëm me rastet e mia, por edhe në raste të tjera me kolegët e tjerë”.
Ajo ka thënë se nuk e kupton se sse duhet zyrtarët e lartë të takohen me palët e tyre. Maria Bamieh ish-prokurorja në misionin e EULEX-it është e ftuar sonte ne Zonën B e cila është duke folur për skandalet e këtij misioni në Kosovë, por edhe për shumë çështje tjera.
Bamieh ka thënë se për shpërthimin në lagjen Bill Clinton kishte dy dëshmitarë.
“Për rastin e shpërthimit në lagjen Bill Clinton, kisha dy dëshmitarë që thonin se kishin paguar para për Florit, për lirimin e dy personave dhe mua më kritikonin pse kam lejuar dëshmitarët ta thonë këtë në gjyq dhe kjo shkaktoi turbulencë ndaj EULEX-it”. “Dëshmitë i përcillja tek eprorët, kishin dëshmi që vinin nga raste të tjera dhe ndërlidheshin me raste të tjera të hetimit”
Ndërsa ka thënë se zyra e saj ishte bastisur ndërsa tregon se ajo ishte nxjerrë prej saj jashtë përmes sigurimit. “Ata kishin hyrë në zyrën time, kishin marrë dosje, kompjuterin, telefonin në bazë të pretendimeve të cilat I kam bërë, kanë kontrolluar gjithçka, kanë zhvendosur rastet e mia tek të tjerët”.
