Ka nje mendim te qarte legjenda e arbitrimit ARsen Hoxha. Ish-arbitri i njohur dhe ish-përgjegjësi i arbitrave në Federatën Shqiptare të Futbollit, Arsen Hoxha, gjykon se për të parandaluar dhunën në stadiume dhe për të mos parë më skena si ajo e Korçës, duhet që Skënderbeu të ndëshkohet me heqjen e 6 pikëve për të paralajmëruar edhe tifozëritë e qyteteve të tjera. Hoxha gjithashtu mendon se heqja e Policisë së Shtetit nga stadiumet është një naivitet i madh, pasi dhuna në vendin tonë është pjesë e përditshme e njerëzve.
Ja arsyetimi i Hoxhës në Facebook:
“Çuditërish është e përsëritur kjo skenë në Korçë, veçanërisht kur luajnë ekipet e kryeqytetit. Heqja e Policisë së Shtetit është një naivitet i madh, kur dihet mirë se dhuna është pjesë e përditshme e njerëzve tanë, është gjithmonë në raport të drejtë me kulturën mesatare që zotërojmë. Unë dhe ju e kemi trajtuar disa herë në medie këtë problem, por ata që përgjigjen direkt për këtë problem nuk duan të përfitojnë nga eksperienca e vendeve të tjera. Minimumi që Skënderbeut t’i hiqen 6 pikë, është jo vetëm një masë e arsyeshme, por edhe paralajmëruese për tifozët e qyteteve të tjerë”.
