Duke folur për N1, ish–deputetja e Kuvendit të Kosovës Rada Trajkoviq ka thënë se “se udhëheqja jonë shtetërore që e ka nënshkruar Marrëveshjen e Brukselit, nuk i ka njoftuar qytetarët e Serbisë se e ka pezulluar Kushtetutën e Serbisë në Kosovë dha se ka pranuar elementet e Kushtetutës së Kosovës në këtë pjesë të territorit”, ka thënë ajo, transmeton Koha.net.
“Nga ana tjetër, procedura për të cilën kishte marrëveshje, është vështirësuar në Prishtinë. Procedura e marrë vesh ka qenë tjetër farë. Statutin (e AKS-së) është dashur ta përpilojë Qeveria e Kosovës, ai pastaj të shkojë Kuvend.
Ajo që është nënshkruar në Bruksel është dashur të suspendohen disa dispozita të Kushtetutës së Kosovës, ndërsa me ligjet kushtetuese është dashur që parlamenti të ndryshohet çdo gjë.
Kjo do të thotë se është dashur të ndryshojë Kushtetuta e Kosovës”, ka thënë Trajkoviq .
Sipas fjalëve të saj, thelbi i gjithë kësaj është se Prishtina nuk është e gatshme ta ndryshojë Kushtetutën.”Porse Serbia me nënshkrim ka pranuar që Kushtetuta e Serbisë të suspendohet në hapësirën e Kosovës.
Kjo bën që gjithë ne duhet ta respektojmë Kushtetutën e Kosovës, ne i kemi asamblistët, deputetët, gjithë strukturën që ka pranuar detyrimin se do të punojë në përputhje me Kushtetutën e Kosovës”, ka vlerësuar Trajkoviq , përgatiti Express. (b.an)
