Përfaqësuesja e Kosovës dhe Kombëtarja shqiptare kanë darkuar bashkë në hotel ‘Emerald’, një ditë para miqësores mes këtyre dy skuadrave shqiptare.
Mysafirë në darkën e përbashkët ishte edheKryeministri i Republikës së Kosovës, Isa Mustafa, i shoqëruar edhe nga Ministri i Sportit, Kujtim Shala, presidenti i Federatës së Futbollit të Kosovës (FFK), Fadil Vokrri dhe zyrtar nga UEFA e FIFA.
I pari i FFK-së, Fadil Vokrri pasi i përshëndeti mysafirët, dy përfaqësueset e futbollit, urojë Kombëtaren shqiptare për kualifikim në Evropianin ‘Francë 2016’. Ndërsa për miqësoren e nesërme Vokrri shpreson se do të jetë një lojë e bukur që do të kënaq tifozët që do të jenë në stadium.
Ndërkaq, Kryeministri i Kosovës, Isa Mustafa në fjalën e tij tha se këta futbollistë janë krenari jonë. Ai beson se sukseset e Kombëtares nuk do të mungojnë as në vitin e ardhshëm, sepse sipas tij, këta futbollistë kanë vlera të mëdha.
“Jeni krenaria jonë, keni qenë dhe jeni veçmas me fitoren dhe kualifikimin tuaj. Unë u uroj shumë suksese dhe nuk dyshojë se nuk do të arrini sukses në vitin e ardhshëm, do ta verifikoni edhe një herë veten si lojtarë të mrekullueshëm, jeninjë ekipe e shkëlqyeshme. Uroj që nesër të shohim një lojë ashtu siç e dëshirojmë. Unë s’po di si i them kësaj Kombëtare se jemi një komb, po thonë vëllazërore, prapë jemi vëllezër, por ajo që është më rëndësi është se ne të qesim në pah cilësitë tona, vlerat tona të cilat janë shumë të mëdha, ato që i keni treguar i keni vërtetuar dhe ju uroj për lojën nesërme dhe për Kampionatin e ardhshëm, i cili do të jetë shumë i rëndësishëm për ne këtu në Kosovë dhe Shqipëri”, ka thënëkryeministri Mustafa.
Kurse, presidenti i Federatës Shqiptar të Futbollit (FSHF), Armando Duka tha se Kombëtarja ndodhet në Prishtinë për të festuar kualifikimin në EURO 2016. Ai theksoi se ky është sukses i gjithë futbollit shqiptar.
“Është e vështirë se si duhet ta them, madje e kemi pasur vështirë se a duhet të luajmë apo s’duhet te luajmë në Kosovë. Por, faktikisht kjo ide ka lindur në avion kur ne po ktheheshim sa po ishim kualifikuar, jo vetëm ata çuna që janë lindur në trojet kosovare, por edhe këta që janë drejtues të stafit nga Italia than se ne duhet të zbresim në Prishtinë dhe të festojmë dhe ne pikërisht për ketë jemi sot këtu për të festuar fitoren e përbashkët, frytin e punës për gjithë futbollin shqiptar në gjithë trevat e tij”, ka theksuar Duka.
Miqësorja mes Kosovës dhe Shqipërisë luhet nesër prej orës 14:00.
