Zëvendës Ministri për Evropën dhe Punët e Jashtme, Agron Tare, në një intervistë për Adnkronos, ka mohuar kategorikisht akuzat e ngritur së fundi ndaj tij dhe vëllait të tij, për përfshirjen në shoqërinë e basteve “Top Bast”.
Këto akuza burojnë nga një artikull i botuar nga “La Repubblica”, pas investikimit të emisionit “Report” në Rai 3, me titullin: “Futbolli, klanet dhe biznesi: hijet shqiptare të Tares së Lazios’’.
“Gjithçka është e pavërtetë. Unë kurrë nuk kam pasur, në asnjë mënyrë, aksione në kompanitë e basteve, as marrëdhënie me njerëz të lidhur me qarqe kriminale, dhe as nuk jam hetuar ndonjëherë nga prokurori i Barit. Ajo që u deklarua nga gazetarët nuk është vetëm ofenduese për mua por në të njëjtën kohë është kaq absurde dhe shumë e pavertetë”, shpjegon ai në intervistë.
“Vëllai im Igli ka një pozicion në klubit sportiv Lazio dhe ai është motivi kryesor për këto shpifje pasi është e qartë se ka palë të treta që kanë interes për ta goditur atë.”– shtoi ai.
“Lajmi u përhap në gazeta, TV dhe rrjete sociale edhe në Shqipëri. Shumë njerëz më kanë pyetur se si kanë qenë gjërat, madje edhe kolegët të cilët përfolën pas shpine. Por, detyrimi t’u shpjegojë përfaqësuesve të qeverisë sime çështjen nuk është diçka e këndshme. Sidoqoftë, dëmi i vërtetë u pësua nga familja ime pasi duke parë dhimbjen në sytë e prindërve të mi dhe vajzës time të mitur, nuk ka vuajte më të madhe.“- shprehet Agron Tare.
Sakaq, së fundmi në mediat italiane është publikuar edhe reagimi i Igli Tares nëpërmjet avokatëve të tij që i ka mandatuar për çdo veprim juridik në mënyrë që të mos i cënohet figura:
“Janë lajme false dhe absolutisht nuk kanë asnjë vërtetësi. Igli Tare nuk ishte i përfshirë në shoqërinë e basteve “Top Bast”, por as vëllai i tij nuk mban ndonjë interes të drejtpërdrejtë ose indirekt me kompaninë në fjalë”, thuhet ndër të tjera në reagim.
/b.h
