Nga Ylli Pata
Zbulohet manuali i planit të guerileve që dogji Tiranën, por edhe qytetet kryesore të Europës. Gazetari i njohur italian, David Parenzo, ka publikuar faximil-et e planit që është gjetur në gueriljes që ka ndodhur në Milano, por që parë në detaje është e njëjta taktikë e përdorur nga të gjitha protestat vandal të kryer në të gjitha kryeqytetet europiane.
Manuali është një doracak i thjeshtuar i punuar për njerëz që dinë pak e kuptojnë gjithashtu, Detyra të përcaktuara, taktikë e thjeshtë, por mbi të gjitha masa mbrojtëse ndaj sulmeve të policisë.
Të cilat i kemi parë në Tiranë shumë qartë. Nëse lexon pikat e manualit kupton që kemi të bëjmë me një organizim perfekt. Me veshje të përcaktuara, me kit mjetesh të siguruara dhe me një mënyrë lëvizjesh krejt preçize.
Janë 3 faqe A4 që përmbajnë gjithçka duhet për të kuptuar të rinjtë që do përfshihen në këtë guerile, së bashku edhe me skemën se ku duhet lëvizin e çfarë duhet të kryejnë.
Parë në detaje, është një doracak i vërtetë lufte, një manual taktik i veprimeve në një guerile urbane. Ku bëhet e ditur edhe harta e veprimit, mënyra e operimit dhe largimit.
Natyrisht ky manual është për Antifa-n në Milano, por parë në detaje me atë që ndodhi në Tiranë, gjërat ngjajnë si dy pika uji.
Këtë material e ka siguruar policia italiane dhe organet inteligjente të atij vendi. Po ka shumë gjasa që ky doracak të ekzistojë edhe në gjuhën shqipe, por që duket deri tani organet shqiptare të sigurisë nuk e kanë arritur ta kenë.
Ndërkaq, në Itali, të gjithë dhunuesit janë brenda në burg, në Shqipëri janë jashtë, madje liderit e opozitës po i mbrojnë një nga një, duke i quajtur madje edhe personazhe me certefikata sigurie. Megjithatë është interesante që të lexohen manuali për ta krahasuar me ushtrinë e vandalëve që dogjën Tiranën.
Manuali
Demonstrimi kundërshtimit kundër qeverisë, afrimi i sa më shumë pjesëmarrësve, dalja në rrugë me sa më shumë njerëz për të afruar të tjerë.
Takimi me miq e kolegë, larg forcave të sigurisë. Të inkurajohen kalimtarët që të bashkohen në protestë. Marshimi drejt objektivit të përcaktuar.
Veshja
- Syze mbrojtëse(mund të blihen në çdo dyqan hidrosanitaresh).
- Mbulesë mbrojtëse ndaj gazit lotësjellës por mund të përdoret edhe maskë antigaz.
- Bluzë me kapuç: përdoret që të mbajë gazin larg fytyrës.
- Doreza kuzhine; ndihmojnë që nxehtësia e gazit të mos kapë gjymtyrët.
- Këpucë komode për të lëvizur me nxitim.
Taktika
- Duhet ë dalin në shesh e të zbresim në radhë paralele.
- Nëse forcat e policisë na ndalojnë të vazhdojmë marshimin, thërrasim slloganët tanë e çajmë rrethimin.
- Nëse na sulmojnë, radhët e para duhet të tërhiqen pak.
- Nëse thërrasim parullat tona nuk duhet të tërhiqemi, duhet të vijojmë sa të mundemi të avancojmë.
- Sa më shumë që i afrohemi policisë, aq më pak mundësi kanë që të na sulmojnë me gaz lotsjellës. Kështu rritet presioni ndaj tyre.
- Nëse na gjuajnë me gaz, duhet të qëndrojmë të qetë dhe të palëvizur. Paniku na dëmton më shumë.
- Nëse dëgjon një shpërthim, mos ik. Rri në rresht e mbro radhën para teje, dije që efekti i këtyre masave është i përkohshëm.
- Mos prek bombat me gaz lotsjellës pa doreza.
- Gjëja më kryesore është mbrojtja dhe mbështetja e njëri-tjetrit. Secili të jetë i vëmendshëm për atë që ka pranë, duhet së paku të ketë kujdes për dy veta pranë tij. Kështu krijohet një zinxhir mbështetjeje dhe komunikimi.
- Mbështetja e shokëve është më e rëndësishme sesa sulmi ndaj policisë.
- Kërko që spektatorët të bashkohen në protestë(nga rruga nga kafja etj).
- Shpërnda detyrat në turmën e sulmit. Kush kryen sulmin, kush ndihmon të sulmuarit apo të plagosurit etj etj. Duhet të sigurohet që asnjëri të mbetet mbrapa.
- Të dish që pallatet janë si kulla vëzhgimi e armë në krah të lëvizjes tonë.
- Mos lër asnjë agjent të policisë që të infiltrohet në turmë.
- Mos u bëj pasiv dhe i padobishëm, secili është pjesë e revolucionit.
Çështjet e tjera
- Mjetet e ndihmës së shpejtë: Fasha, alkool, leukoplast, disifektant.
- Ilaçe kundër dhimbjeve.
- Ujë të pijshëm.
- Maalox i lëngshëm ose ujë të oksigjenuar për t’i përdorur kundër gazit lotsjellës, si dhe sapun neutral kundër spry-t.
- Uthull që përdoret rreth maskës apo fytyrës për tu mbrojtur ndaj gazit lotsjellës.
