Lazio nuk arrin të përfitojë nga humbja e Romës në betejën për vendin e dytë, teksa humbet në shtëpi përballë Interit. Është dashur një dopietë e një ish-lojtari të Lazios si braziliani Hernanes dhe dy kartonë të kuq për kryeqytetasit që të bëjë Olimpikon ë heshtë.
Vendasit janë përpjekur deri në fund të sfidës për të marrë një rezultat pozitiv, por duke luajtur me 2 lojtarë më pak, Lazio është ndëshkuar pak minuta nga fundi i takimit.
Ndeshja nisi si mos më keq për Interin, ku vetëm pas 8 minutash, zikatrit ndëshkohet nga Candreva.
Por çdo gjë do të përmbyset me kartonin e kuq të mbrojtësit të Lazio-s, Mauricio. Vetëm 1 minutë më vonë, Hernanes kthen Inter-in në lojë.
Inter përfiton përsëri nga gabimet e Lazio-s, i cili mbet me 9 lojtarë pasi humbet me karton të kuq edhe portierin Marchetti. Ky i fundit del, duke i lënë stafetën Berishës. Është shqiptari i cili ndalon Inter-in të kalojë në avantazh, duke pritur penalltinë Icardi-t.
Gjithsesi fitorja e Inter-it ishte “në ajër”. Hernanes arrin të shënojë edhe golin e dytë vetëm 5 minuta nga fundit i sfidës.
Me këtë fitore Interi tregon se nuk do të heqë dorë nga Europa League, duke mbetur vetëm -3 pikë nga Fiorentina e vendit të 5-të.
