Sot luhet për gjithçka në supersfidën e javës në Serinë A italiane.
Inter – Juventus, kjo sfidë do të tërheqë vëmendjen e gjithë botës, për shkak të peshës së madhe, pasi cilësohet si sfida më vendimtare për dy skuadrat në rrugën drejt objektivave.
Interi kërkon pikët e plota që të shpresojë ende dhe të mbajë hapin me Romën e Lazion për një vend në Ligën e Kampionëve, kurse Juventusi kërkon fitore që të qëndrojë një pikë para Napolit në luftën për titull, që u bë edhe më interesante me fitoren e këtyre të fundit në “Allianz Stadium” ndeshjen e fundit.
Mediat italiane tashmë kanë zbuluar formacionet e mundshme, ku “Zonja e Vjetër” nuk ka çfarë të humbasë, përveç fitores, asnjë rezultat tjetër nuk i’a shpëton sezonin.
Raportohet se 78,328 tifozë do të jenë në “San Siro” për të ndjekur nga afër sfidën më të rëndësishme të sezonit, teksa Interi do të fitojë mbi 5 milionë euro, rekord në futbollin Italian.
Sfida mes Interit dhe Juventusit zhvillohet sonte në “San Siro” nga ora 20:45./a.m.
/a.m.
