Pas deklaratave të deputetit Sali Berisha, se ‘çështja Tahiri’ është kusht kryesor për integrimin e vendit, ka reaguar kryeministri Rama.
Rama deklaroi se qeveria dhe opozita duhet të jenë bashkë për hapjen e negociatave.
Në repliken me Berishën, kryeministri deklaroi se skuqen sa herë bisedon me ndërkombëtarët.
“Ata thonë nuk mund ta duam ne Shqipërinë më shumë se opozita juaj“, deklaroi Rama
“Fole për partnerët dhe the se çfarë na thonë ne ata. Ata thonë diçka për të cilën me vjen zor. Ata thonë, nuk mund ta duam ne Shqipërinë më shumë se opozita juaj. Ata thonë si është e mundur që opozita nuk e kupton këtë periudhë kaq të rëndësishme për vendin. Nuk lini rast pa hedhur baltë ndaj kujtdo që iu drejtohet në anglisht. Unë isha në Bruksel dhe fola vetë me ta, por ju flisni në emër të tyre. Të gjithë përfaqësuesit më të lartë në Bruksel, janë njëzëri për të çeluar negociatat me Shqipërinë“, deklaroi kryeministri.
Çfarë na pengon të jemi bashkë gjatë këtyre 6 muajve, pyeti kryeministri opozitën?
“Është moment historik. Duhet të jemi bashkë për negociatat dhe reformën në drejtësi. Nuk keni pse sajoni dhe shpifni. Dukeni qesharak dhe po bëni qesharak gjithë Shqipërinë“, deklaroi Rama
Rama deklaroi se Partia Demokratike po i trajton ambasadorët si të ishin pjesë e fisit “Habilaj” dhe “Balilaj”
Kryeministri deklaroi se Berisha e ka ezauruar të gjithë fantazinë e akuzave.
“Kur akuzon pa fakte ose i ke bërë vetë, ose të shkon mendja t’i bësh vetë. Kaq mund të them sa herë shan kundërshtarin me libër shtëpie. Të shkoi jeta duke marrë nëpër gojë dynjanë”, tha kryeministri
JAVANEWS.AL/a.ç
***
Replika e ish-kryeministrit Berisha me shefin e qeverisë Rama u fokusua edhe te çështja “Tahiri”. Berisha deklaroi se kjo është çështje kryesore për integrimin. Sipas Berishës Rama po e mbron Tahirin pasi ai e kërcënoi se do nxjerrë skandalet që sipas tij është përfshirë vetë kryeministri dhe vëllai i tij.
“A erdhi kërkesa për Tahirin nga kërkesa për ta arrestuar, a dole the ti në ato përgjime ishte hataja? Tahiri të tregoi kartonin e kuq ty të sfidoi, dhe të gjithë ata që mu lëshuan mua do bien. Të solli Gazin në mesnatë, pyete Olsin. I numëroi Xibrakën, çështjet e tjera me radhë. Atëherë ndryshoi gjithçka. Dosja s’ka baza, prokuroria është e Saliut, Franco Roberti është i Saliut. Pastaj na doli pas 1 jave, 850 mijë euro dhe patentat e Siamir trafikut. Tani na doli që mund të ketë qenë edhe vetë Tahiri.
Ua them unë juve se çështja Tahiri do jetë kryesore për integrimin. Atij ia thonë 3 herë më shuë. Po pse e mban Tahirin ai? Habilajt janë Habilaj po Xibraka është një dosje e tmerrshme”, deklaroi Berisha.
Më tej ai lëshoi edhe akuza ndaj Ramës se pas një klubi futbolli dhe një bankë qëndrojnë fmialjarët e tij. Berisha iu referua postit si drejtor teknik të Olsi Ramës te Partizani dhe postit të bashkëshortes së Ramës si anëtare e Bordit të ABI Bank.
“Po pse se dinin që Gazi ishte dordolec. Na doli tani Olsi, u bënë edhe me klub, e kanë Edi me Olsin klubin.
U bënë edhe me bankë, si ka mundësi që bankat po bien etëm ABI Bank po fluturon? Është gruaja e kryeminsitrit anëtare e bordit të bankës, ti tregon se ëhstë banka jote. Bankë e regjistruar në offshore“, deklaroi Berisha./a.m.
JAVANEWS.AL
