INSTAT, bëri të ditur sot se, vitin e kaluar eksportet e energjisë arritën në 1868 GWh (gigavatorë), dy herë më shumë krahasuar me vitin 2015, si rezultat i kushteve të favorshme hidrike, por edhe i rritjes së kapacitetit prodhues në vitet e fundit. Të dhenat e INSTAT raportojnë se, prodhimi vendas i energjisë vitin e kaluar arriti në 7135 GWh, në rritje vjetore me 22%. Nderkohe qe pesha e hidrocentraleve privatë dhe koncesionarë arriti në afro 29% të prodhimit total, nga 24% që kishte qenë në vitin 2015.
Ndersa humbjet e energjisë në rrjet vitin e kaluar zbritën sërish, pranë nivelit 28%, nga 30.2% që kishin qenë në vitin 2015.
Sipas të dhënave të INSTAT, tashmë humbjet në shumicën dërrmuese janë humbje teknike, të shkaktuara nga mangësitë dhe amortizimi i rrjetit të transmetimit dhe shpërndarjes./b.d
