Një person i armatosur dhe i veshur me jelek antiplumb u vra nga forcat e sigurisë ndërsa po tentonte të hynte me dhunë në një ndërtesë së FBI në Ohio.
I dyshuari në fillim arriti të largohej nga godina e Byrosë Federale të Hetimit, dhe u qëllua më pas në një zonën rurale në Cincinatti, pas një shkëmbimi zjarri që zgjati disa orë.
Zyrtarët deklarojnë se po hetojnë nëse personi i identifikuar nga media si Ricky Shiffer, kishte lidhje me grupet e ekstremit të djathtë.
Kreu i FBI tha se dhuna dhe kërcënimet kundër agjencisë duhet të jenë thellësisht shqetësuese për të gjithë amerikanët. Policia nuk e ka identifikuar zyrtarisht të dyshuarin e vrarë në Ohio dhe nuk ka komentuar motivin e sulmit të tij.
Burime pranë policisë thanë për mediat amerikane se i dyshuari mund të ketë qenë i pranishëm në ndërtesën e Kapitolit në Uashington në ditën e trazirave të vitit të kaluar nga mbështetësit e Trump.
Incidenti në Ohio vjen pasi zyrtarët amerikanë paralajmëruan për kërcënime të shtuara kundër FBI pasi ekzekutoi një urdhër kontrolli të hënën për bastisjen e rezidencës së ish-presidentit Donald Trump në Mar-a-Lago në Florida.
/a.r
