Kreu i grupit të “Rithemelimit” deklaroi pasditen e së martës do të ngrejë padi penale ndaj prokurorit Arben Kraja dhe Dritan Prençit, për hetimet e bëra për inceneratorin e Tiranës.
Sali Berisha solli në vëmendje se prokurorët e SPAK lëshuan 15 urdhra arresti pas hetimeve për inceneratorin e Tiranës, por në asnjë prej dokumenteve nuk përmendej emri i kryebashkiakut të Tiranës. Në këtë kontekst, sipas kreut të Rithemelimit, SPAK amnistoi Ramën dhe Veliajn për zhdukjen e 130 mln eurove të taksapaguesve.
Në një deklaratë për mediat nga selia blu, ai bëri po ashtu të ditur se “Rithemelimi” do të ngrejë padi edhe ndaj prokurorëve të SPAK që kanë hetuar sterilizimin dhe ndaj ish-ministrit Ilir Beqaj.
Ish-kryeministri theksoi se kjo është hera e parë që një forcë politike ngre padi politike ndaj prokurorisë që ai e cilësoi politike dhe të kontrolluar nga kryeministri Edi Rama.
“Me vetë dosjet e fraksionuara, fraksionim i cili ka pasur vetëm një qëllim: mosshpalljen e kësaj afere, e këtij korrupsioni të shekullit të Edi Ramës si kreu i organizatës kriminale. Mirëpo krahasimi i 3 padive të bëra fundos përfundimisht Skapin dhe ekspozon atë si një organ amnistie që i merr kompetencat parlamentit kundrejt urdhrit politik apo miliona eurove që disponohen në këtë aferë për të mbyllur gojë, për të mbyllur dosje, për të mbyllur media.”
Berisha u zotua se grupimi që si drejton do të ngrejë rast pas rasti padi “për çdo amnisti.”
“Ne besojmë se amnistia është e drejtë e parlamentit dhe jo kurrë e prokurorisë.”
/f.s
