Gjykata Kushtetuese ka rrëzuar 4 nga 5 kërkesat e deputetes së PD-së, Ina Zhupa në lidhje me çështjen e koncesionit të parkut të Butrintit.
Kushtetuesja pranoi vetëm një prej kërkesave të Ina Zhupës në lidhje me vënien në dispozicion të Gjykatës të komunikimet mes Ministrisë së Kulturës dhe UNESCO nga viti 2019-2023 në lidhje me menaxhimin e Butrintit.
Sipas Zhupës, Ministria e Kulturës nuk ka qenë transparente dhe ka kërkuar në gjykatë gjithë korrespondencën me UNESCO në lidhje me këtë rast. Deri më tani sipas saj janë fshehur këto të dhëna, ashtu sikurse edhe të tjera që kanë lidhje me Richard Hodges.
“Butrinti nuk është pasuria jonë por e gjithë shqiptarëve. Kjo është një betejë përtej politikës dhe na takon të gjithëve si shqiptarë. Kërkesa e dytë është në lidhje me thirrjen e dëshmitarëve për Butrintin. Gjykata duhet të dëgjojë ata që kanë qenë pjesë e vendimmarrjes. Nuk mund të bëhet një proces kushtetues pa dëgjuar atë që thotë që Butrinti është grek. Kam kërkuar të thirret ish kongresmeni amerikan që është marrë me çështjet shqiptare. Që flet për modelin amerikan”, tha Zhupa
Deputetja Ina Zhupa ka kërkuar nga dita e parë shfuqizimin e ligjit për koncesionin, pasi sipas saj do të krijonte dëme të parikuperueshme.
/a.r
