Presidenti i Partisë së Lirisë, Ilir Meta, ka reaguar ashpër pas rrethimit të News24 dhe ndërprerjes së dhunshme të sinjalit të këtij televizioni nga autoritetet.
Meta e cilësoi këtë veprim si një akt kriminal dhe tepër të rrezikshëm të regjimit represiv të “Ramaduros”, duke e përshkruar si një sulm ndaj lirive, të drejtave dhe dinjitetit njerëzor të shqiptarëve.
Në një deklaratë, ai shprehu solidaritet të plotë me gazetarët e News24, të cilët sipas tij, janë sot më shumë se kurrë në rrezik për vendin e punës dhe për lirinë profesionale në ushtrimin e misionit të tyre për informim të vërtetë dhe të paanshëm.
Ilir Meta u bëri thirrje organizatave dhe institucioneve ndërkombëtare për mbrojtjen e lirisë së shprehjes që të reagojnë fuqimisht dhe të dënojnë këtë akt shumë të rëndë, i cili sipas tij, po largon Shqipërinë gjithnjë e më shumë nga rruga drejt Evropës dhe po e kthen vendin dekada pas në kohët e errëta të diktaturës totalitare dhe izolimit.
Foli edhe ortaku 50/50 i Irfan Hysenbelliut ?
SPAK këtu të ngacmojë, pasurinë që ka vënë Irfan Hysenbelliu, nëpërmjet nderhyrjeve dhe korupsionit të Ilir Metajt, për të përvehtesuar pronat shteterore Irfan Hysenbelliu.
Sa aksione ke tek Fanja? Pse del kunder drejtesise ku per lirimin e ambjenteve ka vendim te gjykates administrative te apeli? Kush ja dha firmen per qerane Fanes ?