Teksa prezantonte kandidatët e PDIU-së për zgjedhjet parlamentare, Shpëtim Idrizi ka folur për krizën politike në vend, të cilën e ka krahasuar me një lojë ping- pongu, ku personazhe kryesorë, janë dy partitë e mëdha të vendit.
Kreu i PDIU-së ka kritikuar partitë politike, duke thënë se gjithçka është kthyer në një sherr për mustaqet e shkulura të politikës, teksa në kushtet aktuale dhe të brishta në të cilat ndodhet i gjithë Ballkani, vendi ka nevojë për një zë të fortë dhe stabël politik.
“Sot Shqipëria është në një situatë të rrezikshme. Greqia është agresive më shumë se kurrë, Maqedonia po kërkon të eksternalizojë krizën, Serbia ka pretendimet e saj në Kosovë. Po ne ç’po bëjmë? Ne po zihemi për mustaqet e shkulura të politikës, duke u bërë kështu të papërgatitur për sfidat me të cilat përballet vendi…
Sfidat duan një zë të fortë në kuvend, dhe e vetmja forcë që ka treguar se nuk bën kompromis me interesat e qytetarëve është PDIU… Në Shqipëri po luajmë në tehun e thikës dhe në këtë lojë nuk ka fitues, por vetëm humbës, dhe humbësit janë qytetarët shqiptarë.”-tha Idriz.
Idrizi i është drejtuar dhe Prishtinës zyrtare me një këshillë:
Një këshillë mund tja çojmë Prishtinës, ju lutem, mos i ngjahsoni Tiranës.
