Për Zlatan Ibrahimoviçin nuk ka dyshime, fenomeni Ronaldo është i pakrahasueshëm
Sulmuesi i Manchester United, Zlatan Ibrahimoviç, ka gjetur kohë që të flasë për dy lojtarët që kanë mbiemrin e njëjtë, Ronaldon, fenomenin dhe Cristiano Ronaldon.
Për shumë tifozë sot është e lehtë që të zgjedhin Ronaldon, por për Ibrahimoviçin është shumë e thjeshtë, fenomeni brazilian është i pakrahasueshëm.
“Mendoj se Roanldo, fenomeni, ka qenë më i miri”, tha ai për “ESPN Brasil”. “Ai ishte shembull për mua. Cdo gjë që ka bërë ju keni mbetur gojëhapur. Mënyra se si driblonte dhe vraponte, thjeshtë unik”.
“Ronaldo ishte natyral, ai lindi ashtu. Nuk është stërvitur për t’u bërë më i miri. Derisa për Cristiano Ronaldo, është ndryshe. Ai është këtu ku është falë punës së palodhshme. Ai nuk është natyral”, shtoi Ibrahimovic, përgatiti ” Express”. (b.an)
