“Ia dola për shkak të britmave”, flet studentja nga Elbasani pas tentativës për përdhunim

Policia njoftoi dy ditë më parë se një 36-vjeçar nga Elbasani u vu në pranga pasi tentoi të përdhunojë një 22-vjeçare.

Rovena Zekaj, 22-vjeçe, prej vitesh ka jetuar në Itali ku edhe ka studiuar, por është rikthyer në Shqipëri, në vendlindjen e saj të Elbasanit, nëpërmjet programin të shkëmbimit të studentëve “Erasmus”.

Ajo rrëfen se një natë kur po kthehej në shtëpi, tre persona në makinë “Golf” të bardhë e kanë ngacmuar fillimisht me fjalë të pista dhe e kanë kërcënuar.

Nga frika, vajza tregoi se ka memorizuar targën dhe e ka denoncuar në polici, por nuk pati asnjë reagim nga uniformat blu.

Djemtë u rikthyen sërish më vonë, me një tjetër makinë dhe sipas saj, njëri prej tyre e ka ndalur dhe ka tentuar që ta përdhunojë. Sipas dëshmisë së Rovena Zekaj, për Report Tv, ajo ka shpëtuar sepse në ato momente, për shkak të bërtiturave të saj, u ndez një dritë.

“Unë dola nga shpija dhe shkova te dyqani i cigareve. Erdhi një “golf” i bardhë dhe filloi të më kërcënojë me fjalë të pista, mora targën e makinës dhe thirra policinë, por më pas ato ndërruan makinë. Kaluan disa orë dhe polica i ndali, por nuk veproi. Kam lindur në Shkodër, por kam jetuar në Itali. Faji nuk është i Shqipërisë, por i edukimit, se kjo gjë mund të më kishte ndodhur gjithkush. Por është faji i personave që nuk përdorin kokën”, theksoi studentja.

“Kur po kthehesha në shpi, se e pashë që makina u largua. Dhe një nga djemtë kishte ikur nga makina, dhe unë për të mos u treguar se ku ishte shtëpi, ndërrova rrugë. Sa kalova rrugën, mbrapa pemëve më kapi nga fyti dhe më rrëzoi përtokë, më hipi sipër dhe filloi të më prekte. Fakti që kisha një ‘body’ nuk mund të ma tërhiqte. Ma shkyu, kur më zbërtheu pantallonat u ndez një dritë, se po bërtisja fort dhe ai iku”, tregoi e reja për Report Tv.

Për këtë çështje, 22-vjeçarja tha se ka njoftuar edhe Ambasadën Italiane dhe sipas saj, vetëm pas kësaj ka reaguar edhe policia shqiptare duke e arrestuar 36-vjeçarin me inicialet O.C.