Një 22-vjeçar nga Prrenjasi u arrestua pasi i vuri flakën një automjeti. Raportohet se ai kishte pasur konlfikt me pronarin e mjetit.
“Arrestimi i tij u bë pasi më datë 24.12.2017, në fshatin Qukës, për motive të dobëta, dyshohet t’i ketë vënë zjarrin mjetit tip “Benz”, që e kishte në përdorim shtetasi F.L., 26 vjeç, banues në fshatin Qukës”, bën të ditur Policia.
Ngjarja ka ardhur pasi pronari i makinës ishte përfshirë në një sherr me 22- vjeçarin Hasballa dhe për këtë arsye, ky i fundit i ka vënë zjarrin makinës.
Si pasojë e zjarrit janë djegur pjesërisht sediljet e mjetit. Zjarri është pikasur nga pronari i makinës, i cili ka denoncuar në Polici ngjarjen.
Pas hetimeve, rezultoi se autori ishte pikërisht 22-vjeçari Hasballa, me të cilin 26-vjeçari kishte pasur një konflikt në lokalin e fshatit nën efektin e alkoolit./a.m.
