Gjendja shëndetësore e Kryepeshkopit Anastas Janullatos, Kryepeshkopi i Tiranës, Durrësit dhe i gjithë Shqipërisë, mbetet kritike pasi shëndeti i tij është përkeqësuar. Ndërkohë, ai është vizituar nga një sërë zyrtarësh të lartë grekë dhe jo vetëm.
Burime për Report Tv bëjnë me dije se Kryepeshkopi është vizituar edhe nga ambasadorja e Shqipërisë në Greqi, Luela Hajdarga, mbrëmjen e djeshme. (5 janar 2024).
Prej datës 3 janar Kryepiskopi Anastsa ndodhet i shtruar në spitalin Ungjillëzimi në Athinë, për shkak të problemeve të rënduara me shëndetin e tij.
Ditën e sotme ai është vizituar në spital nga ministri i Greqisë për Arsimin dhe Çështjet Fetare, Kyriakos Pierrakakis.
Ky i fundit u interesua për shëndetin e Fortlumturisë së tij, nga profesoresha e Pulmologjisë dhe Mjekimit Intensiv, Anastasia Kotanidou.
Ndërkohë më herët Kryepiskopi u vizitua të shtunën më datë 4 janar nga kryeministri Mitsotakis dhe kryepiskopi i Athinës, Jeronimi.
