Vihet nën hetim pasuror shtetasi Florjan Zeqja i cili është kapur nga Policia e Dibrës, për llogari të shtetit Italian ku është në kërkim për “Shfrytëzim prostitucioni”. Këtij shtetasi i është sekuestruar dhe një automjet me vlerë rreth 20.000 Euro.
Specialistët e Sektorit për Hetimin e Narkotikëve dhe Trafiqeve në Drejtorinë Vendore të Policisë Dibër, në vijim të punës për identifikimin dhe sekuestrimin e pasurive të vendosura si rezultat i veprimtarive kriminale, ka nisur procedimi pasuror në ngarkim të shtetasit :
Florjan Zeqja, 24 vjeç, banues në Maqellarë-Dibër, i cili është kapur në datën 25.04.2018, nga forcat e Drejtorisë së Policisë Dibër, për llogari të shtetit Italian, i dënuar me 6 vjet burg, për veprën penale “Shfrytëzim prostitucioni”.
Sektori për Hetimin e Narkotikëve dhe Trafiqeve, ka sekuestruar automjetin tip “Mercedez Benz – CLS” me targa AA 010 TK, që kap vlerën rreth 20.000 Euro, në pronësi të shtetasit F.Zeqja, ku dyshohet se kjo pasuri ka ardhur si rezultat i veprimtarive kriminale, të kryera nga shtetasi i lartëpërmendur.
Vijon hetimi pasuror për të gjitha pasuritë që ka, ky shtetas ose që mund ti ketë fshehur.
Materialet proceduriale do ti referohen Prokurorisë Pranë Gjykatës së Shkallës së Parë Dibër, për veprën penale “Pastrim produktesh të veprës penale”, parashikuar nga neni 287, I Kodit Penal./a.m.
