Kryetari i Partisë Demokratike Sali Berisha hodhi akuza nga selia blu për kryeministrin Edi Rama, ku u shpreh se po vepron si agjent i Kremlinit me projektin ‘Ballkani i Hapur’.
Ai tha se është për t’u përshëndetur arrestimi i rusëve në Gramsh, duke harruar që ata u prangosën pikërisht nga policia që Berisha e quan të inkriminuar dhe nën urdhrat e Ramës.
“Ata që kërkojnë agjenturë në bunkerë e tunele, problemi kryesor për Shqipërinë është në krye të qeverisë së vendit. Rama po vepron si agjent influent i Kremlinit në Tiranë me projektin Ballkani i Hapur”, u shpreh Berisha gjatë një deklarate për mediat.
“Rama refuzon të bllokojë vizat për shtetasit rus. Meqë jemi në fushën e lajmeve për spiunë, ju dëgjuar se njëri prej figurave më kyçe të SHISH, Frederik Ymeri ishte aset rus. Në të vërtetë ai nuk është i izoluar, Fatos Klosi ndiqej nga shërbimet inteligjente shqiptare për lidhje të dyshimta me dy shërbime të tjera”, u shpreh më tej Berisha.
/a.rt
