Një ngjarje e rëndë ka ndodhur në Mbretërinë e Bashkuar, ku një nënë ka rrahur për vdekje vajzën e saj 3-vjeçare, pasi kjo e fundit e kishte ndërprerë gjatë aktit seksual me të dashurin.
Tre javë përpara se të vriste të bijën Nicola Priest publikoi vidio në Tik Tok, ku vajza e vogël, Kaylee-Jayde, duket se shikon me turp drejt kamerës ndërsa mamaja e saj Nicola Priest i lëviz kokën përreth dhe e inkurajon atë të kërcejë.
Nëna 23-vjeçare tërheq flokët e vajzës ndërsa dyshja kërcejnë së bashku para kamerës në shtëpinë e tyre në Solihull, West Midlands.
Në një klip tjetër, mamaja tund krahët e vajzës në muzikë dhe buzëqesh.
Vetëm tre javë më vonë, më 9 Gusht të vitit të kaluar, ajo u gjet e vdekur në një dyshek pas një dhunë të egër. Brinjët e vajzës së pambrojtur ishin thyer dhe njëra prej tyre i kishte shpuar mushkëritë.
Në gjyq është thënë se Kaylee-Jayde e kishte ndërprerë nënën dhe të dashurin e saj Redfern duke bërë seks dhe më pas ishte sulmuar brutalisht.
Nicola dhe Redfern u përpoqën të fajësojnë njëri -tjetrin dhe në fund të dy u shpallën fajtorë për vrasje pa dashje në Birmingham Crown Court.
Testet në trupin e Kaylee-Jayde zbuluan fraktura të tjera të shëruar pjesërisht në sternum, brinjë dhe nofullën e saj, të cilat treguan se nuk ishte hera e parë që ajo i ishte nënshtruar dhunës serioze.
Asnjë nga dëmtimet nuk ishte raportuar tek një mjek ose nuk ishte trajtuar mjekësish dhe as nëna dhe Redfern nuk ishin në gjendje të shpjegonin se si ndodhën këto dëmtime.
Nëna u burgos për 15 vjet dhe Redfern për 14 vjet më 6 Gusht.
/b.h
