Arben Ristani ka kujtuar kohën kur drejtonte KQZ-në në zgjedhjet e 2011, kur Lulzim Basha fitoi përballë Edi Ramës Bashkinë e Tiranës.
Ristani tha në “Real Story” në News24 se nëse ka një gjë për të cilën do donte të kujtohej është mënyra e numërimit të votave, transparenca.
“Në ka një gjë që kam bërë në KQZ dhe do kisha dashur të kujtohej është që kur kam qenë kryetar i KQZ-së shqiptarët kanë numëruar votat nga shtëpia.
As nuk ka ndodhur më para dhe as nuk ka për të ndodhur. Në zgjedhjet e 2011 shqiptarët i kanë numëruar votat nga shtëpia.
Në ka një gjë për të cilën dua të kujtohem është kjo. Ishte mundësia e krijuar nga KQZ-ja për të ndjekur rezultatet, transparencë.
Kam pasur një fat që për shkak të një programi të USAID-it kam pasur një këshilltare amerikane që më rrinte aty e cila në mënyrë të përsëritur më thoshte që komisionet kur rezultatet janë kaq ngushtë, konsiderohen të mbijetuar.
Vota në kuti të gabuar ka qenë dhe më përpara, është diskutuar dhe më përpara, por në 2 raste më përpara kishte pasur 25 mijë vota diferencë dhe nuk ia vlente të hyje për të rinumëruar votat.
Në diferencat e ngushta hapet loja dhe vë sistemin në provë. Trajtimi për votën në kuti të gabuar pas atij rasti është futur në ligj. Hap dhe precedencë ligjore.
Ligjërisht që KQZ të bëjë një veprim të tillë nuk vepron me iniciativë, vepron me ankim”, deklaroi Ristani.
g.kosovari
