Një incident ka ndodhur me karvanin e makinave të kryeministrit britanik ditën e sotme.
Kur eskorta e kryeministrit po largohej nga godina e Parlamentit, një burrë që besohej të ishte pjesë e një proteste nga aktivistët kurdë u drejtua drejt makinës së kryeministrit. Edhe pse burri u tërhoq nga një polic në këmbë, makina u ndal papritmas, dhe një Range Rover i zi që ishte në kolonë nuk arriti të ndalet me kohë.
Besohet se kryeministri britanik Boris Johnson ka shpëtuar pa u dëmtuar, ndonëse një automjet sigurie përplasi pjesën e pasme të makinës ku ai po udhëtonte, ndërsa kreu i qeverisë dhe eskorta e tij po dilnin nga parlamenti.
Video e incidentit që ndodhi këtë të mërkurë, shkruan javanews, tregoi dëmtimin që kishte pësuar Jaguari gri, brenda së cilit ndodhej Johnson.
Edhe pse u përpoq fillimisht që ngjarja të mbahej e fshehur, mediat britanike konfirmuan se Johnson kishte qenë në makinën e dëmtuar. Një zëdhënës i tha “The Guardian: “Po, ajo ishte makina e kryeministrit. Unë mendoj se video flet vetë, për çfarë ndodhi”.
“Asnjë raport nuk ka deri tani për ndonjë të plagosur.”
Një deklaratë e policisë sqaroi se “rreth orës 14:30 sot, më 17 qershor, dy automjete policie u përfshinë në një aksident në Sheshin e Parlamentit. Automjetet e policisë ishin pjesë e një lëvizjeje të sigurisëm, raporton javanews.al. Një këmbësor raportohet të ketë dalë në rrugë, duke bërë që automjetet të ndalen papritmas, gjë që ka bërë që dy prej automjeteve në kolonë të përfshihen në një përplasje.”
“Asnjë lëndim nuk është raportuar. Një burrë, nuk ka detaje të tjera në këtë kohë, u arrestua në vendin e ngjarjes për cënimin e Rendit Publik dhe për pengimin e autostradës.
