Prej disa ditësh vendi ynë është përfshirë në debate rreth komunitetit LGBTI.
Gjatë forumit që po zhvillohet sot për personat LGBTI, ku merr pjesë edhe ambasadori Lu, nënkryetarja e Kuvendit, Vasilika Hysi deklaroi se disa deputetë shfaqin sjellje të patolerueshme në raport me komunitetin e LGBTI.
Hysi tha se ka deputetë që i zë tmerri kur flasim për çështjet e LGBTI, por nuk patën turp që u ulën përkrah me kolegë kriminele.
“Në këtë Kuvend krah për krah me ne kanë qenë të ulur kolegë pa integritet, të përfshirë ose të dyshuar për lidhje me botën e krimit ose të koprruptuar. Mes nesh ka pasur deputetë, kolegë dhe kolege që nuk e meritonin të ishin në Kuvend dhe janë pranuar dhe nuk na ka ardhur turp që i kemi pasur një pjesë. Ndërsa kur flasim për çështjet e LGBTI ka kolegë që i zë tmerri dhe nuk e pranojnë diskutimin e kësaj çështje. Sa herë që ka çështje që lidhen me këtë komunitet ka një hezitim, ka frikë, kanë frikë mos humbasin mbështetësit e tyre në zonat elektorale, disa nuk kanë informacionin e duhur. Unë i kuptoj por nuk i mirëkuptoj. Në këtë kuadër mendojmë se pavarësisht se janë pakica në krahasim me shumicën e deputetëve në Kuved, Kuvendi i Shqipërisë ka shumë për të bërë. Shumica e kolegëve tanë nga mazhoranca dhe opozita kanë një qasje tjetër për të drejtat e njeriut dhe parandalimin e diskriminimit”, deklaroi Vasilika Hysi
a.ç
