Gjykata e Krimeve të Rënda ka vendosur arrest me burg për 30 ditë gjyqtarin Ibrahim Hoxha dhe birin e tij, Ledian Hoxhën, të akuzuar për korrupsion.
Gjyqtari i rrethit Tiranë, u kap së bashku me djalin e tij duke marrë 6 milion lekë për të dhënë një vendim gjyqësorë në favor të biznesmenit Dritan Jazenxhiun.
Organi i akuzës ka 30 ditë kohë që të mbledhë prova të tjera dhe të provojë veprën penale për të cilën akuzon gjyqtarin e Tiranës, Ibrahim Hoxha, në të kundërt do të lirohet.
Ndryshe nga masa e sigurisë për at e bir, Gjykata ka vendosur arrest me burg për dy të tjerët, biznesmenin Dritan Jazenxhiu dhe një ish-polic të Beratit. Ky i fundit luajti rolin e sekserit, duke dorëzuar 6 milionë Lekë të paguara nga biznesmeni Jazenxhiu tek Ledian Hoxha, djali i gjyqtarit Ibrahim Hoxha. Paratë u paguan që gjyqtari i Tiranës të jepte në favor të biznesmenit vendimin gjyqësor për një çështje pronësie. (javanews.al / a.r)
