Presidenti francez, François Hollande deklaroi sot se nëse, në një vend të BE-së, një parti e ekstremit të djathtë merr pushtetin, do të ketë procedura që mund të sjellin largimin e këtij vendi.
“Nëse një parti e ekstremit të djathtë merr pushtetin, që fatkeqësisht është e mundur në Evropë kështu siç është sot, atëherë do të ketë procedura që aplikohen”, tha kreu i shteti francez për “France Inter”, i pyetur mbi situatën politike në Hungari dhe Poloni.
Presidenti francez shtoi gjithashtu se “as Hungaria, as Polonia nuk janë në këtë procedurë, ndonëse ka kontrolle që mund të kryhen, në këtë moment kryesisht në Poloni”.
“Ne mund të pezullojmë një vend nga e drejta për të qëndruar në BE. Evropa i ka të gjitha mjetet juridike, nëpërmjet ligjeve të parashikuara në traktate, për të penguar një vend që të shkelë parimet demokratike”, vazhdoi ai.
