Mund ta paramendoni zemërimin e Sir Alex Fergusonit kur në muajin tetor të vitit 2010 zbuloi se kontrata e re e Wayne Rooney-t me Manchester United-in do ta bënte atë me pagë dyfish më të madhe së të tij. Ferguson kishte luftuar me të gjitha mjetet për ta mbajtur Rooney-n në “Old Trafford”, kështu që mori “shuplakë në fytyrë” kur kuptoi se paga javore e sulmuesit do të ishte 240 mijë euro. Kjo kishte bërë që trajneri legjendar të thërriste mbledhje urgjente të krerëve të klubit, pasi kishte vlerësuar se nuk ishte në rregull që paga e tij të ishte dyfish më e ulët se e Rooney-t, përcjell Koha Ditore shkrimin e Daily Mail.
“U thashë se mendoj që nuk është korrekte që Rooney të merrte dyfish më shumë se unë, kurse Joel Glazer më tha se pajtohet me mua, por nuk ka çfarë të bëjë”, ka kujtuar Ferguson. “I thashë se është e thjeshtë. Merremi vesh që asnjë futbollist nuk duhet të paguhet më shumë se unë”. Takimi nuk zgjati shumë. Paga e Fergusonit u rrit dhe problemi menjëherë u zgjidh. Prej kësaj kohe në Premier League filloi të vendoset një prioritet. Shumica e klubeve filluan të kuptojnë se nëse paguajnë futbollistët më shumë se trajnerin, ishte gabim.
