Kryeministri Rama ka reaguar pas prezantimit që Basha i bëri platformës “Për Çlirimin e Zgjedhjeve”, nga ku kreu i PD nuk komentoi akuzat për Babalen.
Sipas kryeministrit, kreut të PD nuk i vjen zëri për t’u përgjigjur në lidhje me inskenimin e audio-përgjimit të Albert Veliut.
“Nuk të vjen zëri dhe s’ke faj! E di dhe unë sa thellë je futur miku im po s’të ndihmoj dot.
Nuk ecet me teatër se ja si vjen puna, del një aktor i papaguar e të nxjerr cullak!
Po me kamerat e komisariatit si i bëhet (?) se aty as Taulanti as ai polici s’janë fare!
Apo po fle ti tani?” – shkruan Rama sot në Twitter.
Gjatë takimit të sotëm me demokratët, Lulzim Basha nuk bëri asnjë koment në lidhje me akuzat e Ramës.
Ky i fundit tha se zëri i Agron Xhafajt është inskenuar nga kunati i “Babales”, por ai e tradhtoi PD-në pasi nuk mori shumën e premtuar të parave.
/JavaNews/b.d
