Një punëtor sigurimi i stadiumit kombëtar “Stade de France” është vlerësuar si hero, pasi besohet se ka parandaluar tragjedinë e jashtëzakonshme brenda stadiumit.
Punëtori mysliman që ka dashur të identifikohet vetëm si Zouheir, ka thënë se nuk e ka lejuar një person të hyjë brenda, pasi që ka dedektuar se kishte eksplozivë në trup.
Sipas rrëfimit, ky person kishte tentuar të hyjë në stadium 15 minuta pas fillimit të ndeshjes miqësore Francë-Gjermani.
Pak kohë pasi është kthyer mbrapsht, terroristi ka aktivizuar eksplozivin, duke kryer vetëvrasje.
Rrëfimin e ka konfirmuar edhe një anëtar i policisë që ka konfirmuar se qëllimi ishte që eksplozivi të shpërthehej brenda në stadium.
