I bindur se nuk ka bërë asgjë shkelje, edhe pse Kushtetuesja vendosi heqjen e mandatit të tij si deputet, Koço Kokëdhima i është drejtuar Strasburgut për apelim.
Lajmin e ka pohuar vetë ai, gjatë një komunikimi me gazetarë, teksa thotë se do të pres gjykimin e Strasburgut për këtë çështje.
Duke kujtuar se ka fituar të gjitha betejat politike në qarqet e jugut të vendit, Kokëdhima shtoi se do të presë vendimin e Strasburgut lidhur me mandatin e tij.
“E kam apeluar vendimin e Gjykatës Kushtetuese në Gjykatën e Strasburgut. Do të pres Gjykatën e Strasburgut”, tha Kokëdhima raporton panorama. Kushtetuesja vendosi heqjen e mandatit pas kërkesës së PD, që e akuzonte për përfitime fondesh publike në kohën që ishte deputet.
Pas vendimit, Kokëdhima deklaroi se “Me apo pa mandat Deputeti, unë do të punoj pa u reshtur për Ju dhe për një Shqipëri më të mire. Gjithe jetën time kam punuar me pasion për nje jetë më të mirë jo vetëm për familjen time. Rruga ime në politikë nuk mbaron këtu. Ajo është vetëm në fillimet e saj”./a.m.
