Në komisionin e Ekonomisë po diskutohet sot për heqjen e ekskluzivitetit të Aeroportit të Rinasit, një marrëveshje kjo që pret votimin në Kuvend.
Ministri i Transportit Edmond Haxhinasto deklaroi se kjo marrëveshje me TIA do të zgjatet edhe me 2 vite.
Ndërsa ministri i Financave Arben Ahmetaj gjatë fjalës së tij ka theksuar se heqja e ekskluzivitetit i hap rrugën e investimeve. Ulja e kostove të biletave sipas tij i përket një faze të dytë.
Deputeti i PD-së, Sheferendin Shehu kërkoi sqarime për koston që pritet të paguajë qytetari për këtë marrëveshje. “Cila është kosto që do paguaj-në qytetarët? Sa është kosto e zgjatjes së kontratës. Sa para do i mungojnë shtetit nga kontrata e re? Sa do ulen biletat dhe kur pritet të fillojë ulja për qytetarët?”,- pyeti Shehu.
Sipas tij, ekskluziviteti është ngushtuar dhe jo hequr./BW/a.m.
