Pas kallëzimit nga një shtetase, se në rrjete sociale krijoheshin llogari të ndryshme me emrin dhe me fotot e saj, policia identifikoi dhe arrestoi autorin e dyshuar, shtetasin E. T., 40 vjeç, banues në Tiranë, për veprat penale “Falsifikimi kompjuterik” dhe “Ndërhyrja në të dhënat kompjuterike”.
Ky shtetas dyshohet se për një periudhë 7-mujore ka krijuar profile në rrjetet sociale, me gjeneralitetet e ish të dashurës së tij, në të cilat publikonte foto me përmbajtje të ndryshme, për denigrimin e imazhit të saj.
Materialet procedurale i kaluan Prokurorisë, për veprime të mëtejshme.
