Shtetet e Bashkuara të Amerikës presin që Ngushtica e Hormuzit të mbetet e hapur për lundrimin ndërkombëtar për një kohë të gjatë, deklaroi zëvendëspresidenti amerikan J. D. Vance në një intervistë për CNBC.
Vance bëri të ditur gjithashtu se ministri i Jashtëm i Iran dhe kryetari i Parlamentit iranian do të përfaqësojnë vendin në nënshkrimin e një memorandumi mirëkuptimi që pritet të zhvillohet të premten në Zvicër.
Sipas tij, shumë detaje të marrëveshjes mbeten ende për t’u finalizuar.
Ndërkohë, Ministria e Jashtme iraniane njoftoi se Teherani planifikon të vendosë tarifa transporti për anijet që kalojnë nëpër Ngushticën e Hormuzit, në vend të taksave të tranzitit, si pjesë e një marrëveshjeje kornizë të ndërmjetësuar nga SHBA-ja.
“Ne gjithmonë kemi pohuar se nuk kërkojmë të mbledhim taksa tranziti, por tarifa për shërbimet e transportit detar, mbrojtjen e mjedisit, sigurinë e anijeve dhe shërbime të tjera të nevojshme”, deklaroi zëdhënësi i Ministrisë së Jashtme iraniane, Esmail Baghai, gjatë konferencës së tij javore për shtyp.
