Lewis Hamilton “tregon dhëmbët” që në sesionin e parë të provave të lira të Çmimit të Madh të Amerikës.
Britaniku i Mercedesit, Lewis Hamilton, shënoi kohën 1 minutë, 36 sekonda e 335 të mijëtat, duke lënë pas krahëve me pak më shumë se gjysmësekondi Ferrarin e Sebastian Vettel dhe Mercedesin e shokut të tij, Valtteri Bottas.
Të gjitha kohët e këtij minisesioni janë regjistruar me gomat super të buta. Koha e katërt më e mirë i përket Red Bullit të Max Verstappen, në vendin e pestë renditet Stoffel Vandoorne me McLaren dhe i gjashti rezulton Felipe Massa me Williams, përpara Ferrarit tjetër të Kimi Raikkonen.
Pilotët punuan fillimisht me gomat ndërmjetëse, për shkak të shiut që kishte rënë pak përpara nisjes, raporton TCH. Dhjetëshja e pilotëve më të mirë kompletohet nga Ocon dhe Perez, që të dy me Force India, e në fund Carlos Sainz me Renault. Vetëm në vendin e 16 është renditur Red Bulli tjetër i Daniel Ricciardos.
Sa i përket penaliteteve, të ndëshkuar do të jenë Nico Rosberg dhe Brendon Hartley, me këtë të fundit që zëvendëson Gasly në Toro Rosso.
Por, penalitet do të ketë edhe Stoffel Vandoorne. I vetmi që nuk ka zbritur as edhe për një xhiro të vetme ishte Alonso, i cili u ndëshkua nga një problem hidraulik te McLareni i tij./a.m.
