Për procedurën e shkarkimit të saj, Rudina Hajdari ka bërë fajtor kreun e Partisë Demokratike, Lulzim Basha Ky i fundit, tha Hajdari, po tenton që të bllokojë Reformën Zgjedhore.
“Në sot duhet të merreshim me hapjen e negociata, ndërsa tre persona nuk vinin në mbledhje që të dobësonin grupin. Kanë për qëllim që të sabotohet Reformën Zgjedhore dhe këtu dalim tek Lulzim Basha.
Tentativë që të spostohet roli im. Ne na intereson që të hapen negociata, nëse jo e dini shumë mirë se kush është fajtor. Rama dhe Basha. Këta persona që kërkojnë spostimin tim, nuk kanë dhënë asnjë kontribut në parlament.
Kjo ishte një tentativë e imponuar dhe e programuar shumë mirë nga këta tre persona, Lita, Zeneli dhe Elezi. Këta tre persona nuk ka për ta shkatërruar opozitën, pavarësisht se po ndodh nga jashtë.
E kundërta, do të forcohemi akoma më shumë, kemi një qëllim të vetëm për ndryshimin e sistemit. Ju e dini kush janë, Basha dhe Rama”, u shpreh Hajdari.
