Banka e Shqipërisë parashikon që për vitin 2016 rritja ekonomike të jetë 3.2 përqind. Guvernatori Gent Sejko ishte i ftuar tek Zëri i Amerikës ku bëri një rezyme të zhvillimeve ekonomike. Përsa i përket vitit të kaluar ai theksoi se rritja ekonomike ishte 2.6 përqind dhe faktor i rëndësishëm për këtë rritje ishte kriza në Greqi. Kujtojmë që Banka e Shqipërisë e Fondi Monetar Ndërkombëtar kanë parashikuar për këtë vit që rritja ekonomike të jetë në shifrën 3.4%.
Sejko zhvilloi një takim në Uashington ku mori pjesë në Mbledhjet e Pranverës të Fondit Monetar Ndërkombëtar dhe të Grupit të Bankës Botërore. Lidhur me sistemin bankar në vend, guvernatori nënvizoi se trajtimi i çështjes së e kredive me probleme ka qenë një ndër angazhimet kryesore të Bankës së Shqipërisë, e shoqëruar me një plan veprimi të mirëmenduar për reduktimin e tyre, ku përfshihen një sërë përmirësimesh ligjore, fiskale dhe rregullatore. Ai u shpreh se zbatimi i këtij plani ndihmoi në zbritjen e nivelit të kredive me probleme në 18.2 %, në fund të vitit 2015.
