Trajneri i ardhshëm i Manchester City-t, Pep Guardiola, ka thënë se do t’i mungojnë lojtarët e Bayern Munich-ut kur të largohet nga ‘Alianz Arena’.
Ish trajneri i Barcelonës, Pe Guardiola, e përfundoi me trofe aventurën e tij te Bayerni, duke triumfuar në finale të Kupës së GJermanise ndaj Borussia Dortmundit.
Pas ndeshjes, Guardiola nuk mund t’i ndalte lotët pasi kjo ishte ndeshja lamtumirëse për të. Ai ka thënë se do t’i mungojnë shumë lojtarët, me të cilët ka ndarë të mirat e të këqijat.
“Titujt janë vetëm numra”, ka thënë Guardiola, i cili shtoi: “Ka qenë një eksperiencë fantastike që të punojë në këtë klub çdo ditë, para se gjithash me këtë lojtarë. Do të më mungojnë shumë”.
“Kam punuar me ta pothuajse 24 orë në ditë, jam menduar gjithmonë që të bëhemi më të mirë dhe natyrisht se do të më mungojnë shumë”, ka deklaruar Guardiola, citon “Express”. (b.an)
