Trajneri i Manchester Cityt, Pep Guardiola, ka deklaruar se ekipi i tij e pati të vështirë përballjen me Barcelonën, sidomos pasi mbeti me një lojtar më pak në fushë.
City pësoi 4 me 0 nga Barcelona në Camp Nou, ndërsa tre gola erdhën në 40 minutat e fundit, pasi portieri Claudio Bravo u ndëshkua me të kuq.
“Ne po luftonim hapur me një ekip të madh. Por pas kartonit të kuq gjithçka mori fund. Duhet të ndryshojmë atmosferën. Ishim në lojë, bënim presion, mbanim topin dhe krijuam raste.
E bëmë por nuk shfrytëzuam rastet dhe duhet ta bëjmë këtë për të fituar”, ka deklaruar Guardiola pas humbjes nga ish-skuadra e tij, citohet Koha. (b.an)
