“Daily Star” ka publikuar disa pamje tronditëse ku shihet një grua që ka vrarë me armë shoqen e bashkëshortit. Ajo hyn në një lokal ku ishte ulur burri së bashku me miqtë e tij dhe qëllon për vdekje një vajzë që ndodhej në tavolinë.
Dayane Rafaelle da Silva Rodrigues, 31 vjeç, u arrestua në komunën e Tiangua në shtetin brazilian të Ceara në 18 Shkurt.
Kamerat e sigurisë kanë kapur 26-vjeçaren Batista Barros e cila shihet me një bluzë të bardhë dhe pantallona të shkurtra duke pirë me një grup miqsh.
Burri i Rodrigues, i cili mban një kapele të bardhë dhe bluzë blu shihet që qëndron përballë Djaianes. Disa çaste më vonë, grupi shpërndahet kur Rodrigues hyn me një armë në dorë. Ajo fillon të gjuajë me armë dhe Djaiane mbetet e vdekur nga një plumb që mori në kokë.
Nga të shtënat u plagos gjithashtu një 24-vjeçar, i cili u dërgua në spital dhe tani po e rimerr veten nga operacioni që iu nënshtrua. Nga kamerat e sigurimit shihet burri i cili përleshet me gruan, ku tenton t’ja heqë armën nga dora. Policia arrestoi gruan dhe e çoi në paraburgim.
Sipas zyrtarëve, e dyshuara e kreu aktin sepse ishte e zemëruar me burrin e saj. Çifti kishte debatuar më parë sepse burri shkonte shpesh në bare të tilla. Pas arrestimit, Rodrigues u tha oficerëve se ajo qëlloi rastësisht për të shpërndarë grupin nga tavolina dhe nuk e kishte për qëllim që të vriste gruan.
Autoritetet nuk besojnë se krimi ishte i paramenduar dhe dyshojnë se është kryer nga gjaknxehtësia. E dyshuara nuk ka të dhëna paraprake penale dhe është e dëshpëruar nga veprimet e saj.
/a.r
